Ältestes Schweizer Hallenbad vor dem Aus

Als St. Galler binich entsetzt, dass mä bi dem historische Begegnigsort wöt „Spare“.

I han do als chliene Chnopf Schwimme glernt und gang no hüt gerne mitem Sohn döt ane.

Es isch vor allem ruhig und gedige dort. Die Vollpföschte vo dr Stadt sparet afach a dr falsche Stelle. Zerscht gheit dr Neubau vo dr Bibliothek weg und jetzt de Hirnschiess vo dem Schnudderlumpehufe.

>Abbau von über 46 Vollzeitstellen in der Verwaltung, Schliessung des Volksbades, zusätzliche Blitzer für die Stadtpolizei: Mit solchen Massnahmen will die St.Galler Stadtregierung bis 2029 das jährliche Loch in der Stadtkasse um 17,1 Millionen Franken reduzieren.

https://www.saiten.ch/stadt-st-gallen-stellt-neues-sparprogramm-vor

Blitzer als Quell vo Mehriinahme, jo genau min Humor.

Das Bad choschtut dStadt schiens gat mal 420’000.- Franku pro Jahr. Daderfier erhaltut ma es Stuck uber 100 Jahr alter Gschicht und het en tolla Begägnigsort mittu iner Stadt. Das wirkt uf mich als Üsustehunda sehr priiswärt.

Der Artikel isch verwirrend, es wird gseit dass dLit hitzutag meh vo muh Bad erwarten, aber de wird eu gseit dass es immer no rege gnutzt wird mit lüt Wikipedia sit de 70er Jahr glich blibenende Bsüächerzahle. ZGebäude schient eu nid baufällig zsi oder Choste züänäh. Also das tent jetzt nid so als wär das Ding „en Patient ufer Intensivstation.“

Ich will ja niämandum ebis unterstellu, aber het da der Herr Stadtrat wohl gmerkt dass mu es Grundstück in zentraler Lag het und ebis lukrativers drus machu chenti? Mit dem Abriss und wägfall wellu Gäld sparu verfangt nid gat viel ale Begründig.