Live aktuelle Daten aus der faser -optischen Uhr des isländischen Meteorologischen Amtes

Áhugaverð tækni.

>Lifandi straumur gagna úr Ljósleiðaravaka Veðurstofu Íslands. Straumurinn sýnir u.þ.b. síðasta hálftíma af gögnum frá tveimur ljósleiðurum; um 45km ljósleiðara frá Ásbrú meðfram Reykjanesbraut að Völlunum þar sem hann beygir til suðurs inn að námunni við Háuhnúka og um 100km ljósleiðara milli Ásbrúar og Þorlákshafnar. Tilgangur er að fylgjast með jarðhræringum.

önnur [tilkynning Veðurstofunnar](https://www.facebook.com/Vedurstofan/posts/pfbid0DGv8r3TkAZv1eqMACwjQYmy6Qu7sV8bnK4AwyVbxqxN1FmXj3GnXDmwn9MgYjYcLl):

> Veðurstofa Íslands hefur sett upp nýjan ljósleiðaravaka [LG1] í samstarfi við Ljósleiðarann, Háskólann í Reykjavík, University of Houston og Caltech til að auka vöktun á jarðhræringum á Reykjanesskaga. Með þessari nýju tækni er hægt að greina breytingar í jarðskorpunni og fylgjast enn nánar með því sem er að gerast undir yfirborðinu.
>
> Tveir ljósleiðarar eru nú mældir. Annar liggur um 45 km leið frá Ásbrú austur með Reykjanesbraut þar til komið er á Vellina þar sem leiðarinn beygir til suðurs meðfram veginum í átt að Krýsuvík. Hinn ljósleiðarinn liggur frá Ásbrú fyrst suður og síðar austur með Nesvegi allt að Þorlákshöfn, um 100 km leið.
>
> Gögnin sem birt eru á vöktunarsíðunni sýna um hálftíma af hráum gögnum úr ljósleiðaravakanum. Í vöktuninni er sérstaklega horft á og unnið úr gögnum úr leiðaranum sunnan Grindavíkur en það er sá hluti ljósleiðarans sem hefur sýnt aflögunarmerki í aðdraganda síðustu eldgosa á Sundhnúksgígaröðinni. Þessi tækni gerir okkur kleift að greina ein af fyrstu merkjunum um kvikuhlaup með meiri nákvæmni, sem skilar sér í hraðari viðbrögðum og auknu öryggi.
>
> Háskólinn í Reykjavík og Caltech voru í fyrra með ljósleiðaravaka á sama stað og höfðu þá þróað snemmviðvörunarkerfi sem sendi sólarhringsvakt VÍ viðvörun ef merki um kvikuhlaup sáust í gögnunum. Ljósleiðaravakinn er hluti af fjölþáttavöktun á jarðhræringum á Sundhnúksgígaröðinni en önnur vöktunarkerfi á svæðinu eru jarðskjálfta- og GPS-mælar ásamt þrýstingsmælum í borholum HS Orku.
>
> Ljósleiðaravakinn virkar þannig að hann sendir ljóspúls eftir leiðaranum. Lítill hluti ljóssins endurkastast og kemur til baka í mælitækið. Ef ljósleiðarinn verður fyrir einhverju álagi, svo sem vegna hvers konar jarðhreyfinga, þá seinkar þessu endurkastaða ljósi. Út frá því er svo hægt að meta til dæmis hvort eitthvað sé að gerast undir yfirborðinu.

það er hægt að sjá einstaka bíla þarna ([skálínur](https://i.imgur.com/ip9gNBb.jpeg), því láréttari þeim mun hraðar ekur bíllinn) og svo sjást skjálftar mjög vel (alveg láréttar línur – hafa áhrif á nánast allan ljósleiðarann samtímis), [hér er skjáskot af þeim stærsta](https://i.imgur.com/3XOYt9f.png) sem ég hef séð þarna hingað til, hann var staðsettur í Krísuvík (í Kleifarvatni)

Grindavík er þarna í kringum ~170.00 Kilometers ef ég reikna rétt, þar sjást allavega skjálftar frá Sundhnúksgígaröð sterkast

stundum sést eitthvað sem ég kann enga skýringu á eins og [þetta](https://i.imgur.com/bk9TYdo.jpeg) (lagarfljótsormurinn? mótorhjólaþyrping? á þessum árstíma?)