Isländisches Mädchen von einer internationalen kriminellen Gruppe zur Gewalt erpresst – RÚV.is

>Móðir stúlkunnar segist hafa upplifað algert ráðaleysi þegar hún reyndi að hjálpa dóttur sinni út úr aðstæðunum. Hún segir lögregluna hafa tekið afrit af síma stúlkunnar en hafi svo lokað málinu því það væru engar sannanir.

>Það var ekki fyrr en FBI fann Tiktok-færslu stúlkunnar um reynslu hennar af hópnum, að skrið komst á málið.

>„Þeir keppast, þessir aðilar, sín á milli að dreifa og útbúa eins ofbeldisfullt og bara hreinlega áfallavaldandi efni og hugsast getur. Þetta efni spannar allt frá grófu ofbeldi og sjálfsskaða, yfir í dýraníðsmyndbönd,“ segir Stefán.

>„Lögreglan getur ekki stöðvað þetta ein sko. Það þarf samstillt átak foreldra og samfélagsins alls, auk lögreglu, að reyna að stoppa þetta. Það er kannski okkar að komast að því hver er þarna bak við, en foreldra og forráðamanna bæði að fræða krakkana og vera opinská við þau og vera vakandi fyrir þessum atriðum sem ég nefndi áðan. Svo er ekki síður mikilvægt að ef fólk grunar að eitthvert barn hafi lent í þessu, að tilkynna það til lögreglu þannig það sé hægt að grípa þar inn í og hafa uppi á þeim einstaklingum sem standa þarna bakvið.“