Várðberg | Island und Deutschland stärken Verteidigungskooperation – „Die Deutschen wollen Islands moderne Hafeninfrastruktur nutzen“

>Pistorius segir Þjóðverja vilja nýta nútímalega hafnarinnviði Íslands, áreiðanlegar flutningaleiðir á staðnum og birgðaendurnýjunarmöguleika, sem og flugstöðina í Keflavík fyrir þýsku P-8A Poseidon kafbátaleitar- og eftirlitsflugvélar sem ætlað er að styrkja sjóherinn og þátttöku hans í NATO-verkefnum á Norður-Atlantshafi. Þjóðverjar hafa keypt [8 slíkar vélar](https://www.bjorn.is/dagbok/thyski-sjoherinn-a-n-atlantshafi) og er fyrsta afhent haustið 2025. Þær verða staðsettar í Lossiemouth í Skotlandi og mögulega á Keflavíkurflugvelli.

>Í [samtali við Ríkisútvarpið](https://www.ruv.is/frettir/innlent/2025-10-20-fyrirhugad-ad-gera-tvihlida-viljayfirlysingar-um-varnarmal-vid-onnur-lond-456657) sagði Þorgerður að fyrirhugað væri að gera tvíhliða viljayfirlýsingar um varnarmál við önnur lönd líkt og þá sem undirrituð var með varnarmálaráðherra Þýskalands í gær. Samningaviðræður séu nú þegar hafnar við Frakkland og hún vonast til að ræða við Kanada.