Mehr Gewicht muss für den EU -Indikator interessiert werden

Smá fyrirvari: Ég er enn þeirrar skoðunar að það sé, eins og staðan er núna, skynsamlegra fyrir Ísland að ganga í Evrópusambandið.

Hins vegar verður ESB að fara að standa sig betur. Nýverið samþykktu þau afar íþyngjandi viðskiptasamning við Bandaríkin sem felur meðal annars í sér að Evrópa dæli, ef ég man rétt, allt að 1500 milljörðum dollara í bandarísk herútgjöld, orku og fleira, í stað þess að byggja upp eigin innviði og auka sjálfstæði gagnvart Bandaríkjunum.

Jafnvel þó að þessum samningi verði ekki framfylgt að fullu, þá er það út af fyrir sig fáránlegt að ESB hafi samþykkt að láta setja á sig 15% tolla, án þess að setja neina gagntolla á móti. Þetta dregur úr samkeppnishæfni þeirra og vekur alvarlegar spurningar. Þegar Bretland, eitt og sér, getur samið um betri tolla en ESB, sem á að búa yfir miklu meira vogarafli, þá segir það mér annað hvort að samningafólkið hjá ESB sé hrikalega vanhæft, eða að sambandið sé fullt af Kana brúðum sem setja hagsmuni Bandaríkjanna ofar hagsmunum Evrópu.

Ég vona reyndar að Frakkar veto-a þetta drasl. Þeir hafa lýst yfir mestum vonbrigðum, tilgátan er að Þjóðverjar hafi þrýst þessu í gegn til að vernda bílaiðnaðinn sinn.