Der Parkplatz | Die Verbrauchervereinigung ermutigt Verbraucher, die Gebühren für Isavia, Easy Park, Park und Green Parken ausgezahlt haben, um die Unternehmen zu kontaktieren und Rückerstattungen anzufordern

Úr grein:

Neytendastofa hefur komist að þeirri niðurstöðu að fjögur fyrirtæki hafi brotið gegn lögum um góða viðskiptahætti sem og reglum um verðmerkingar með því að veita ekki upplýsingar um öll gjöld tengd stæðunum. Taldi stofnunin afmörkun gjaldskyldra bílastæða ekki nægilega skýra auk þess viðskiptahættir væru villandi. Neytendasamtökin taka undir niðurstöðu en telja brotin mun víðtækari og varða við fleiri lög. Þar sem Neytendastofa tekur ekki fyrir kröfur einstaklinga á hendur fyrirtækjunum, hafa Neytendasamtökin óskað eftir upplýsingum frá fyrirtækjunum fjórum hversu miklar tekjur þau hafi haft af vangreiðslugjöldum og hvort þau muni hafa frumkvæði af því að endurgreiða neytendum gjald sem hefur verið innheimt með ólögmætum hætti.

Hvetja Neytendasamtökin neytendur sem greitt hafa slík vangreiðslugjöld til að setja sig í samband við fyrirtækin og óska eftir endurgreiðslum. Til dæmis er hægt að notast við eftirfarandi texta og setja staðfestingu á greiðslu gjaldanna í viðhengi:

Góðan dag
Ég óska eftir endurgreiðslu á vangreiðslugjaldi/gjöldum að upphæð kr. ___ sem ég innti af hendi dags. ______.
Með góðri kveðju,
Nafn og kennitala

Til hægðarauka eru hér tölvupóstfang fyrirtækjanna fjögurra:
Isavia: `parking@kefairport.is`
Easy park: `hjalp@easypark.net`
Parka: `fyrirtaeki@parka.is`
Green parking: `hjalp@greenparking.is`

Þó enn sé ekki búið að úrskurða í málum annarra fyrirtækja, telja Neytendasamtökin vangreiðslugjöld þeirra einnig ólögmæt og beri því að endurgreiða. Hér eru tölvupóstföng þeirra:
Gulur bíll: `gulur@gulur.is`
Checkit: `checkit@checkit.is`
115 Security: `115@115.is`

**Neytendasamtökin óska eftir því að fá að frétta af viðbrögðum félaganna, bæði góðum og slæmum.**