Kündigt günstigere Schokolade für diesen Sommer an, da die Kakaopreise eingebrochen sind – Vísir

Þessi spurning um hvort að við trúum því að þetta skili sér til neytenda er byggð á einhverju sem ég skil ekki alveg.

Þeir sem selja vöru og þjónustu hafa þann hvata að okra á okkur til að hámarka eigin gróða. Í samfélagi þar sem peningar eru frelsi þá er allur hvati í þá átt. Flest ríki sem við berum okkur við koma til móts við þennan hvata með regluverki, og neytendavernd, sem beita dagsektum og harðari viðurlögum á eigendur þeirra fyrirtækja sem brjóta reglurnar. Þannig er þessum hvata haldið niðri á þeim stöðum.

Við gerum þetta ekki hérna á Íslandi, svo að við neytendur verðum að taka alla þá vinnu á okkur. Við ættum reyndar að spara okkur vinnuna með að heimta að ríkið stöðvi þessa verðbólguskapandi græðgi – en samhliða því verðum við að haga seglum okkar eftir staðreyndum.

Við neytendur þurfum að hætta að kaupa vorur á okurverði. Það getur verið mjög erfitt í sumum tilfellum þar sem ríkið sjálft er búið að búa til einokunarkeðju sem ríkið ver með kjafti og klóm en hefur engin frekari afskipti af eins og t.d. mjólkursamsalan sem hefur verið staðin af því oftar en tvisvar að okra á samkeppnisaðilum til þess að geta okrað á neytendum.

Svo ég spyr – er einhver enn að kaupa íslensk súkkulaði? Ef svo er þá er það fólk að leggja blessun sína yfir núverandi verðlag, og þar með að sjá til þess að þessi lækkun skili sér ekki til neytenda. Munið nefnilega að ríkið mun ekki neyða það fram fyrir okkur, og seljendur hafa engan hvata til þess að gera það fyrir okkur.

Ef við neitum ekki fólki að hafa af okkur féþúfur, þá heldur það bara áfram að féflétta okkur. Ef við setjum engan þrýsting á ríkið til að gera hlutina sem það er ekki að gera – þá gerast þeir ekki. Það er enginn ókeypis matur í þessum málum heldur þarf að setja vinnuna í verkin svo að þau klárist.

Það má vel vera að það séu til mjög kærleiksríkir einkaaðilar þarna úti og að þeir lækki bara verðin strax um leið og þeir geta. Þeir sömu aðilar hafa þá verri samkeppnisstöðu við öll fyrirtæki sem gera það ekki af því við hættum aldrei að versla við þá sem okra á okkur. Þannig gerum við kærleiksríku kaupmennina gjaldþrota á meðan við auðgum þá með hvað minnstu sálina. Við bókstaflega ýtum fólki út í að haga sér eins og efnahagsleg rándýr.

Þessi seinasta setning er líka mjög viðeigiandi í [stjórnmálum](https://www.youtube.com/watch?v=rStL7niR7gs) – skil það eftir fyrir áhugasama.